Antoni Rossell, professor de filologia romanica de l’Universitat Autonòma de Barcelona e director de l’Arxiu Occità (institut d’estudis medievaus) que hè tanben lo cantaire de musica medievau. Dab lo libe Les poesies i les melodies del trobador Gaucelm Faidit, que’ns presenta un trabalh de qualitat. Parescut en 2013, la soa escaduda continua e ua vidèo navèra que presenta l’òbra.

Que cau brembà’s aqueth trobador deu sèle XII^au qu’ei màger per la soa retorica de l’amor cortés.

Maurici Romieu, capdau de l’associacion Escòla Gaston Febus Reclams edicions & revista, que recebó un chèc de 2 500 € de Ligams, entà ajudar a tornar a editar lo Diccionari deu Biarnés e Gascon modèrnes de Simin Palay.

Reclams que perpausan un navèth site entà mainatges, aperat L’arraton deu castèth. Lo prètzhèit qu’ei de partatjar activitats en gascon après l’escòla.

Lo site qu’ei collaboratiu. Tots que i pòden hornir contes, cançons, jòcs…

Katy Bernard e Maria-Anna Châteaureynaud qu’organizan a la Maison de las Sciéncias de l'Òmi d'Aquitània de Peçac, ua jornada en aumenatge a Bernat Lesfargas, poèta, traductor, editor e defensor de l'occitan. Las conferéncias e los talhèrs que seràn seguits per ua lectura de tèxtes de l'autor.

Programa