Ten-te fièra - reglament
CRIDA A LAS ARTISTAS !
Sois fière “Ten-te fièra !”
Arts et littérature occitane contemporaine
ORGANISÉ PAR LE PEN OCCITAN
AVEC LES EDICIONS RECLAMS
Avec le soutien financier de la Direction régionale des affaires culturelles Occitanie
L’associacion dels escrivans del PEN Occitan e las Edicions Reclams son urosas de lançar una crida a las artistas per la creacion d’una antologia feminina occitana contemporanèa entre literatura e practicas artisticas.
Qu’es aquò ?
Lo PEN Occitan - Poètas-Ensagistas-Novelistas - es l'associacion dels escrivans e artistas de la paraula en lenga d’òc engatjats per la defensa e la visibilitat de la literatura nòstra. Lo PEN Occitan fa partida de la granda familha del PEN Internacional que promòu la libertat d’expression a travèrs lo mond. Las Edicions Reclams son un ostal d’edicion engatjat per la literatura d’òc, dins sas diferentas variantas, amb un repertòri plural entre classicisme e modernitat.
Qui pòt participar ?
La crida es obèrta a las cantairas, poetessas, escrivanas, artistas de slam, spoken word e a las artistas de creacion visuala al sens larg : fotografia, pintura, illustracions…
Antologia Ten-te fièra !
Per presentar sa candidatura calrà mandar d'aquí lo 31 d’agost de 2024, un email amb per objècte : Nom d’ostal - Ten-te fièra 2024, a Cette adresse e-mail est protégée contre les robots spammeurs. Vous devez activer le JavaScript pour la visualiser.
- Entresenhas dins l’email : pichòt nom, nom d’ostal, data de naissença, vila e una nòta per explicar perqué vos consideratz coma creatritz occitana.
- Un retrach fotografic de bona qualitat.
- Doas notícias biograficas de 150 mots caduna (en occitan e en francés).
- Una òbra de creacion inedicha (que foguèt pas encara publicada nimai presentada)
- Per la literatura : un tèxte (pròsa, poèma, cançon…) de 1000 mots / 2 paginas max (en occitan + lo meteis tèxte en traduccion francesa).
- Per las arts visualas : vòstre fichièr amb lo crèdit e las entresenhas + possibilitat de mandar un tèxte de 150 mots per explicar vòstre projècte (en occitan + lo meteis tèxte en traduccion francesa)
La jurada de Sois fière “Ten-te fièra !” se recamparà e contactarà las candidatas que seràn seleccionadas per l’antologia. La decision de la jurada es liura e confidenciala.
Venir membre de PEN Occitan es un prerequesit per figurar dins l’antologia, las candidatas seleccionadas per la jurada poiràn aderir a l’associacion.
Podètz venir membre del PEN OCCITAN per l'annada 2024 aquí : www.helloasso.com/associations/pen-club-occitan/
Al plaser de recebre las vòstras candidaturas !
Tenètz-vos fièras !
La còla del PEN Occitan e de las Edicions Reclams.
P.E.N. OCCITAN / P.E.N. DE LANGUE D’OC
Associacion d'escrivans - Association des écrivains de langue occitane
Poètas - Ensagistas - Novelistas - Poètes - Essayistes - Nouvellistes
Gasconha que vau plan ua hèsta, ça ditz lo Cercle gascon de negòcis. Alavetz, qu’avian la Setmana mondiau de Gasconha deu 22 au 29 de junh de 2024.
Las Edicions Reclams qu'an aviat ua colleccion navèra entà descobrir lo país noste, e que comencèn en 2023 per Luishon. Que's tracta de muishar çò que vesem, coma los monuments o las hèstas, e tanben de revelar causas mens conegudas coma las heitetas o la cultura. Lo libe qu'ei conhit d’informacions de tota mena entà enténer aqueth parçan. Non ei ni un libe sapient ni un libe toristic, mèslèu un libe entà los qu'an enveja de s’impregnar deu charme, de l'amna de la vila.