01
Fév
2021

Reedicion deu diccionari Palay

Maurici Romieu, capdau de l’associacion Escòla Gaston Febus Reclams edicions & revista, que recebó un chèc de 2 500 € de Ligams, entà ajudar a tornar a editar lo Diccionari deu Biarnés e Gascon modèrnes de Simin Palay.

Lo diccionari, vertadèr tresaur lexicografic e etnografic qu’estó editat per prumèr còp en 1932 e 1934 (dus tòmes). La darrèra publicacion qu’estó realizada peu CNRS en 1980. Despuish lo Palay qu’ei vadut de mau trobar. Alavetz, l’associacion Escòla Gaston Febus Reclams e lo Congrès Permanent de la Lenga Occitana que vòlen remediar ad aquò.

En efèit, aqueth diccionari qu’ei ua vertadèra riquessa per çò qui ei de las variacions lexicalas, de las expressions, deus arreproèrs, de las descripcions etnograficas e antropologicas (tradicions, hèstas, etc.). Que i podetz trobar, dab fòrça detalhs, los usatges e parlars gascons geograficament atestats de la lenga mairana.

La tòca de l'associacion Ligams qu'ei de crear ligams enter tots los actors de Bearn e Baish Ador qui òbran tà la lenga nosta. La corruda La passem qui's tien a an passat que permet de finançar accions en favor de la lenga nosta. Atau que balhèn 2 500 € entà tornar editar lo diccionari.

Edicions Reclams
Administration - Secrétariat
18 chemin de Gascogne
31800 LANDORTHE
Tél : 06 87 80 28 60
Cette adresse e-mail est protégée contre les robots spammeurs. Vous devez activer le JavaScript pour la visualiser.

©2021  Reclams - Escòla Gaston Febus