23
Jui
2024
Setmana mondiau de Gasconha
Gasconha que vau plan ua hèsta, ça ditz lo Cercle gascon de negòcis. Alavetz, qu’avian la Setmana mondiau de Gasconha deu 22 au 29 de junh de 2024.
Tres ans a, un trentenat de personas que’s son assembladas en ua associacion d’enterprenedors tà valorizar los produits de noste. Lo president, Jean-Luc Lagrave, qu’ei lo creator deus vestits de la mèrca Adishatz. Ariane Daguin, creatora de D’Artagnan foods, qu’ei ua sòcia actiu aus Estats Units. David Lesbarreres, un aute sòci e president deu centre E. Leclerc de Sent Vincenç de Tiròssa que perpausa mots gascons dens lo son centre coma lo cornèr Lo cosinèr o lo Viste hèit, nhac & cafè. Etc.
Las Edicions Reclams qu'an aviat ua colleccion navèra entà descobrir lo país noste, e que comencèn en 2023 per Luishon. Que's tracta de muishar çò que vesem, coma los monuments o las hèstas, e tanben de revelar causas mens conegudas coma las heitetas o la cultura. Lo libe qu'ei conhit d’informacions de tota mena entà enténer aqueth parçan. Non ei ni un libe sapient ni un libe toristic, mèslèu un libe entà los qu'an enveja de s’impregnar deu charme, de l'amna de la vila.
