Legir la Revista n° 868 en linha
Aqueste trimèstre, que perpausam tèxtes qu'atendetz com lo capótol dusau (sus tres) de la novèla umoristica de Max Aub, La vertadèra istòria de la mort de Francisco Franco, e tanben, un espiar inabituau: ua reflexion de Sèrgi Javaloyès suu càncer.
Tot parièr, los poèmas que son divèrs: Lo drac ne sap pas aimar, que caça de Jessyka Rojo qui'ns conta un drac especific deu parçan de Bordèu, Sextina mortau de Xavi Gutiérrez Riu, un poèma inspirat de l'òbra d'Arnaut Danièl, creador de la sextina (composicion poetica) e Amor d'entraupas, un poèma de Domenica Decamps, autora lemosina de las conegudas.
De segur, lo mes de seteme que'ns bremba la neishença de Bernat Manciet, cent ans a. Guy Latry e Sèrgi Javaloyès que'ns balhan quauquas informacions sus la sua vita e la sua òbra. D'alhors, las Edicions Reclams, tà mercar aqueth centenari, que torna editar Impromptús, poèmas tan caracteristics de l'autor.
Bona lectura!