Aqueste numèro? Un frut o ua salada hèita de fruts autan divèrs!

Güeratz los fruts saboruts de la sciéncia cuelhuts per Maurici Romiu, l'aciditat qu'ei hornida per Volodymyr Yernolenko (arrevirat de l'ucraïnés per JF Brun), un pecic de gelat ei portat per JM Dordeins, que i tastaratz las pomas de Bretanha e Galícia d'Álvaro Cunqueiro tradusit per Joaquim Blasco, e autes fruts de l'estiu: ahragas dab "Pèir, Alma e jo" d'A-P Darreas, las arrasimetas de F. Vayrette-Péchali dab los sons "Espiars", los aranhons de la vath d'Aran e deu Coserans de Xavi Gutiérez Riu e d'Estella Harris, las cerisas de Lemosin, de Bascoat e de Lengadòc de Domenja Decamps, de Gabriel Aresti (version occitana d'Escotarròbi) e de Loïsa Paulin.

Qu'ac adobaram tot dab trocets de banana auherits per Eric Astié hens lo son "Poèma Fantauma" e qu'acabaram dab pèrnas d'iranje : los mites deu monde d'Andrèa Pèiraneras e las actualitats numericas e literàrias tostemps redigidas per Anne-Pierre Darrèes.