Los autors

Domenja_Lekuona.png

Domenja Lekuona

Domenja Lekuona qu'ei vaduda en 1957 e esvelhada a Boelh-Vesin dens la Vath vielha de Nai. Aus quinze, la sua Mamé Matilda que'u ditz : "Se la vòs aquesta lenga ça‘i me véder e que la te darèi. Saps per m‘estau quauques mes tot an per ‘quiu o per ‘la en çò de la familha, que sia a La Canorga o en Provença, jamei non parli francés”. Au licèu d'Ortès, lo son professor de filosofia e d'occitan qu'ei Michel Grosclaude, un encontre determinant.

Que segueish estudis d'Istòria, de Lingüistica, d‘Occitan e de Biblioteconomia. Qu'ei bibliotecària e administratora de produccion (espectacle e ràdio).

Passion

En 1974, qu'integra lo grop de cançon Los deu Larvath. Viradas, discs, espectacle de mariolinas... Desempuish 1981, que viu la sua passion : radiotejar. Productora ràdio, cronicaira a Radio Pau Béarn, La Votz de Noste, Ràdio País, qu'ei difusada adara sus ràdios MF, suu web o en DAB. En 2011, que crea ràdio podcasts de resisténcia en occitan dab lo blòg HadiuAu catalògue uei : En Ondas entervistas, reportatges, literatura, arts... Que crea Jòclong (musicau deu format variable), que produseish programas com Calams d‘Occitania, Quina fragilitat, La Murgueta, Capsas musicaus...

N'a pas oblidat la musica e que facilita los projèctes de Joan Francés Tisnèr. Que collabòra a espectacles coma Sorrom Borrom, realizat a partir deu poèma epic de Sèrgi Javaloyès, Sorrom Borrom ou le rêve du Gave e tanben Tralhaires, sur les pas de Félix Arnaudin o Ny’òc Trobadors.

Desempuish mei de trenta ans, que participa a l'associacion Escòla Gaston Febus. Qu'ei directora de la publicacion de las Edicions Reclams e cronicaira per la revista Reclams dab "Lo Miralhet deu Net", ua actualitat deu net, miralhet de la lenga nosta. 

Autora de las produccions multiplas, collectivas… e perissablas
multimèdia, discografica, bloguistica, en ràdio e d‘espectacle vitèc :
– Un còp serà, 1976, LP, Los deu Larvath
– Istòria au còrn deu temps, LP, 1977, Los deu Larvath
– Coneguda causa sia, 1979, LP, Los deu Larvath
– Se Canti, 1980, EP, Los deu Larvath
– La maison Marrimpouey jeune : Imprimerie Edition de 1949 à 1981, Dominique Lecuona
– Au cap de la paciéncia, 1982, LP, Larvath
– Ua sason en país bramader,1999, de Rogèr Lapassada dab Domenja Lekuona et all., musica Joan Francés Tisnèr votz parlada (coll. Paraulas deu País 1)
– Joan de Calés conte de Gasconha cuelhut per Joan-Francés Bladèr, per Larvath banda sonòra dita e cantada de – l‘espectacle de mariolinas manejadas a vista creat au Teatre Sent Loís de Pau (coll. Paraulas deu País 2)
– Sorrom Borrom, 2010 de Sèrgi Javaloyès e de Joan Francés Tisnèr, collabòra a la creacion

– Hadiu blòg (2011- ) : https://hadiu.eu mantuns programas e tostemps l‘emission En Ondas
– Ny‘Òc Trobadors, 2013 de Joan Francés Tisnèr, collabòra a la creacion

– Lo secret deus bòscs de Lascaus, 2013 de Philippe Bigotto e aute(s) dab Domenja Lekuona en tant que traductora
– Tralhaires, sur les pas de Félix Arnaudin, (2015- ) de Joan Francés Tisnèr, collabòra a la creacion
– Lo Miralhet deu net (2016- ) cronicas Reclams
– Tralhaires, sur les pas de Félix Arnaudin
, 2018 (disc e filme) de Joan Francés Tisnèr

 

Edicions Reclams
Administration - Secrétariat
18 chemin de Gascogne
31800 LANDORTHE
Tél : 06 87 80 28 60
Cette adresse e-mail est protégée contre les robots spammeurs. Vous devez activer le JavaScript pour la visualiser.

©2021  Reclams - Escòla Gaston Febus