Eric Gonzalès que vadó en 1964 a Pau. Qu'estudiè e qu'ensenhè l'istòria, e au darrèr d'aquò, qu'esté professor d'occitan en divèrs collègis. En 2004, que reprengó estudis en letras classicas puish que hasó lo lingüista e traductor en free-lance. Que's morí lo 25 de mai de 2023.

Òbra

Eric Gonzalès qu'a escriut mei d'un libe dont L'òrra istuèra d'un hilh de Gelòs qui recebó lo prèmi Joan Bodon en 1997. Òbra essenciau qui aubrí la pòrta deu roman modèrne occitan.

Ací qu'avetz la presentacion deu son libe per Sèrgi Javaloyès sus Òc Tele.

Qu'escrivó regularament dens la revista Reclams, dont èra lo capcorrector. Qu'ei tanben l'autor deu wiki de gramatica publicat per Lo Congrès Permanent de la Lenga Occitana.

Auròst entà ua escort

Qu'ei lo son libe darrèr. Escotatz l'entervista de Sèrgi Javaloyès sus aqueth libe.

Bibliografia

• L'òrra istuèra d'un hilh de Gelòs, Edicions Reclams, 1996 – roman
• Lo melic de Silvia Chasaus, IEO Edicions e Per Noste, 1998 – roman
• Arantxa, Edicions Reclams, 1999 – roman
• Isabèu de la Valea, Edicions Reclams, 2000 – novèlas
• Las Tortoras, Edicions Reclams, 2001 – roman
• Dazibao, Per Noste, 2003 – roman
• La guèrra de Bambovila, Per Noste, 2005 – pèça en quate hèitas
• L'òrra istuèra d'un hilh de Gelòs, Edicions Reclams, 2021, prefàcia d'Estella Comellas
• Auròst entà ua escort, Edicions Reclams, 2024 – roman policièr