Los autors

eric_fraj.png

Eric Fraj

Eric Fraj que neishoc en 1956 en Flandra francesa, a Bailleul (Belle en flamenc). Agregat d'espanhòu e de filosofia, qu'ensenha tanben l'occitan. De mes, Eric Fraj qu'ei compositor, cantaire e conferencièr, las suas conferéncias que pòrtan sustot sus la literatura, lo cant e l'identitat culturau. Qu'a produsit un quinzenat de CD de qui lo darrèr, La vida, peus sons cinquanta ans de canta. Que hè animacions escolaras e qu'escriu en mes d'ua revista.

Òbra

Eric Fraj que perpausa ua reflexion pregonda sur l'occitan dens lo son ensai, Quin occitan per deman ?  Ua reflexion que demòra valenta tà d'autas lengas de França, com se pòt legir dens l'article de Brezhoneg Bro-Vear.  

Adara, Eric Fraj que perpausa, enter autas causas e en occitan lengadocian, contes filosofics entaus mainatges, coma La lei e la libertat.

Que hè traduccions e qu'escriu poèmas. Que prepara tanben un site suu noste saber de uei, l'ABC del saber, totjorn en occcitan.

Bibliografia

Satango, adaptacion d’un tèxte de Huilo Ruales Hualca, 2001

Liens, Bibliothèque Municipale de Carbonne, 2005 - relat en francés, pintruras de Joëlle Chateau, arrevirada en occitan de Renat Soula

Quel occitan pour demain ? Edicions Reclams, 2004 - ensai bilingüe

Coma traductor

Nòstra Dòna la Negra, arrevirada en lengadocian d’un tèxte poetic de Serge Pey, Notre Dame la Noire, Éditions Tribu/UTM, Toulouse, 1988 

La granada cerrada, Alèm Surre-García, poèma en edicion trilingua (occitan/francés/espanòu), Edicions del Trabucaire, 2002

L’espace de la nuit / El espacio de la noche, poèmas de Claude Saguet, edicion trilingua francés/alemand/espanhòu, Ed. « Le passe-Mots », 1996

Altavoz, poèma de Bruno Ruiz, edicion bilingua espanhòu/francés, Editions de l'Éther Vague, 1991

Tà legir mes d'informacions, ací qu'avetz lo site internet d'Eric Fraj.

Edicions Reclams
Administration - Secrétariat
18 chemin de Gascogne
31800 LANDORTHE
Tél : 06 87 80 28 60
Cette adresse e-mail est protégée contre les robots spammeurs. Vous devez activer le JavaScript pour la visualiser.

©2021  Reclams - Escòla Gaston Febus