Nautat : Manipòlis de Joan Luc Landi

Joan Luc Landi que'ns presenta lo son prumèr recuelh de novèlas Manipòlis.

Que ns'i parla de çò qui maneja, ad escurs, los òmis e las hemnas, dens situacions excepcionaus o estranhas ; fòrças escuranhosas qui s'i hèn au pregond. Que s'i ved l'umanitat a víver e, a còps, a subervíver, quan seré còste que còste. De segur, que s'i trobarà monde qui haràn d'aqueths relats lo memòri d'un antropològue bearnés qui gaitaré lo son país, com l'objècte de la soa investigacion scientifica. Joan Luc Landi que sap tanben espiar çò d'aute, çò de desparièr qui viu lahòra. Ueratz, quin nse conta l'Islàndia e los sons poblants, quin nse muisha las caras cambiadissas d'ua isla qui enlobata e qui'ns parla, totun, d'un aute país qui credem conéisher a de bonas e qui cela beròi lo son còrps e la soa amna, lo Bearn.

Tròç :
« « Hòu, Polinari !... ». Bang ! Bang !
Lo tarrible brut que'u pleè lo cap, un gost de trip mau cueit que'u colava dens la ganurra. « Vedes pas ? Que soi jo ! ». »

Que s'i parla deu libe sus Jornalet.

L'obratge qu'ei disponible sus la botiga en linha.
114 paginas - Format : 15 x 21 cm
ISBN 978-2-909160-59-7
Prètz : 12 €
Contacte : Cette adresse e-mail est protégée contre les robots spammeurs. Vous devez activer le JavaScript pour la visualiser. - Cette adresse e-mail est protégée contre les robots spammeurs. Vous devez activer le JavaScript pour la visualiser.