La revista en linha

Las Gruas

Fèlix Arnaudin

Anna Pèire que’m hasó saber que Fèlix Arnaudin qu’èra mort lo 6 de deceme 1921 e que’m perpausè de publicar en aquesta revista ivernau un conde deu noste folclorista, etnològue, lingüista, istorian, fotografe, escrivan, anant cinquanta ans de seguida per las Lanas. Qu’èi causit Las Gruas, tirat de Contes brefs, trente contes populaires de la Grande-Lande choisis, transcrits et présentés par Joël Miró, edicions Confluences, març de 2013, Bordèu, 15 € acompanhats d’un CD, lectura de Madeleine Dubrous, enregistrat per Joël Miró. S. J.

Un còp, su’n camin de la lana, dus bandolièrs tüèren un marchand que se’n tornava de las feiras de Bordèu, per li panar son argent e sa maleta. Aquò que se passava hens un endret hòrt escartat. Digun n’avè vist lo còp, e la justiça ne trobèt pas jamei los assassins. E lo temps que passèt.

Dètz ans après, los dus òmis que vinoren a passar au mèma cròt, a la mèma sason. Que s’èran assietats darrèr un parc e que ralhavan.

Te sovèns quan escanèrem aqueth marchand dont vinè de las feiras de Bordèu? ce didè un. Qu’èra un jorn de gòrra qu’ i a dètz ans de’ quò. Qu’i hadè bruma e las gruas que passavan a garts, tot com uei. Benlèu que son las mèmas ! Bonurament per nosatis, ne pòden pas díser çò que saben!…

Mès qu’i avè un aulheròt qu’èra embarrat hens lo parc dab lo ligòt. E qu’escotava tot aquò de dehens avant. Quan los dus òmis se tornèren mèter en camin, lo dròlle que corrot los escusar aus jandarmes. Que gahèren los assassins deu marchand a l’arribada au borg. E après qu’estoren jutjats e penduts.

Edicions Reclams
Administration - Secrétariat
18 chemin de Gascogne
31800 LANDORTHE
Tél : 06 87 80 28 60
Cette adresse e-mail est protégée contre les robots spammeurs. Vous devez activer le JavaScript pour la visualiser.

©2021  Reclams - Escòla Gaston Febus