Abr
18

Editoriau

de Sèrgi Javaloyès Revista N° 838 / 2016

En heurèr de 2017, la revista Reclams de Bearn e de Gasconha que hestejàrà lo son 120 au anniversari. Los Reclams qu’an, en efèit, traucat tres sègles. Dauvuns que se n’estonaràn e qu’auràn rason, per’mor que sabem quant las revistas literàrias e son mortaus. La nosta revista qu’ei plan viva mes que se’n ved : a mei anar mei, que vedem lo nombre deus nostes abonats a baishar chic a chic, quan jòga totun dab las autas revistas occitanas  — Òc, Lo Gai Saber, País Gascons — un ròtle màger tà l’escriut occitan contemporanèu. Vertat qu’ei, la lectura publica en França qu’ei en crisi, que semblaré qu’a noste la tendéncia estosse mei hòrta enqüèra. Que’ns cau comptar tanben, malaja, dab la crisi endemica qui segoteish l’occitanisme dont nse parla dab corau, l’excellent obratge de Joan Eygun. 

Los Reclams qu’arcuelhen navèths e joens poètas e prosators qui, un dia o aute, haràn espelir ua òbra de las bèras, de las granas. Per’mor d’aquò que’vs demandam de la sostiéner en har-la conéisher aus qui balançan enqüèra tà abonà’s. Ua lenga shens literatura e pòt víver longtemps ? N’ac credem pas. Alavetz, que’ns hè besonh lo sostien de tots. De tots !

 

L’equipa deus Reclams 

 

Connexion