Actualitats

actualites

Dec
19

Conte de Nadau

Los aujòus qu'aimavan contar istòrias trufandèras. E que'n podetz trobar mes d'un dens l'Armanac de la Gascougno. Dens la darrèra revista de 2018, Reclams que perpausarà un dossièr de Nadau dambe extrèits d'aqueste armanac. E voletz véser çò qu'ei ? Legetz Los luquets, conte escriut per un Mirandés aperat Lo Ceset. A telecargar gratis dens "Revista a telecargar"

http://www.reclams.org/oc/la-revista/revista-a-telecargar/produit/93-los-luquets

Nov
19

Nautat : Fiquèrs a telecargar

Reclams que perpausa los numèros de la revista literària en fiquèr pdf a telecargar dans la sua navèra pagina Revista a telecargar. Compratz lo numèro que voletz, e receberatz un corrièr electronic dab un ligam entà telecargar. Lo fiquèr que demorarà tanben dens lo vòste compte. Que'u poderatz consultar quan vólhitz.

No podetz pas difusar lo fiquèr telecargat.

Mar
29

Nautat : Roncesvals Bernat Manciet

Sortida : 02/2017

 

Roncesvals recto"Rei malurós t'en anis pas enqüèra

t'ès desbrombada l'espada balhada

a Rotland tan aimat e com te prometó

que nada man d'enemic la tienossi..."

 

Version presentada e annotada per Maurici Romieu.

L'obratge qu'ei disponible sus la botiga en linha.

ISBN : 978-2-909160-60-3

144 paginas - Format : 24x13 cm
Prètz : 17 €

Contacte : Aquera adreça email qu'es aprigada contre las maquinas deus espamaires, que'vs cau activar Javascript tà la véder. - Aquera adreça email qu'es aprigada contre las maquinas deus espamaires, que'vs cau activar Javascript tà la véder.

Mar
29

NAUTAT : Lo rei malurós e autas pèças de Simin Palay

Sortida : 02/2017

palay couvSimin Palay qu'èra tanben dramaturgue. Aqueste obratge que presenta quate de las soas pèças : Lo rei malurós, lo son cap d'òbra teatrau, La peleja deus arrasims, La bugada e Lo mercat de la troja. Introduccion, nòtas e arreviradas francesas d'Eric Gonzales.


L'obratge qu'ei disponible sus la botiga en linha.
339 paginas - Format : Numeric E-Pub


Prètz : 8 €
Contacte : Aquera adreça email qu'es aprigada contre las maquinas deus espamaires, que'vs cau activar Javascript tà la véder. - Aquera adreça email qu'es aprigada contre las maquinas deus espamaires, que'vs cau activar Javascript tà la véder.

Gen
31

Nautat : Manipòlis de Joan Luc Landi

recto Manipolis.jpg-page-001

Joan Luc Landi que'ns presenta su prumer recuelh de novèlas Manipòlis.

Que ns'i parla de çò qui maneja, ad escurs, los òmis e las hemnas, dens situacions excepcionaus o estranhas ; fòrças escuranhosas qui s'i hèn au pregond. Que s'i ved l'umanitat a víver e, a còps, a subervíver, quan seré còste que còste. De segur, que s'i trobarà monde qui haràn d'aqueths relats lo memòri d'un antropològue bearnés qui gaitaré lo son país, com l'objècte de la soa investigacion scientifica. Joan Luc Landi que sap tanben espiar çò d'aute, çò de desparièr qui viu lahòra. Ueratz, quin e'nse conta l'Islàndia e los sons poblants, quin e'nse muisha las caras cambiadissas d'ua isla qui enlobata e qui'ns parla, totun, d'un aute país qui credem conéisher a de bonas e qui cela beròi lo son còs e la soa amna, lo Bearn.

Tròç :
« « Hòu, Polinari !... ». Bang ! Bang !
Lo tarrible brut que'u pleè lo cap, un gost de trip mau cueit que'u colava dens la ganurra. « Vedes pas ? Que soi jo ! ». »

Que's parlan deu libe sus Jornalet.

L'obratge qu'ei disponible sus la botiga en linha.
114 paginas - Format : 15 x 21 cm
ISBN 978-2-909160-59-7
Prètz : 12 €
Contacte : Aquera adreça email qu'es aprigada contre las maquinas deus espamaires, que'vs cau activar Javascript tà la véder. - Aquera adreça email qu'es aprigada contre las maquinas deus espamaires, que'vs cau activar Javascript tà la véder.

Pas mei d'articles...

Connexion



-v2-