Actualitats

actualites

Mar
10

Aumenatge a Bernat Lasfargas

Katy Bernard e Maria-Anna Châteaureynaud qu’organizan a la Maison de las Sciéncias de l'Òmi d'Aquitani de Pessac, ua jornada en aumenatge a Bernat Lesfargas, poeta, arreviraire, editor e defensor de l'occitan. Las conferéncias e los talhèrs que seràn seguits per ua lectura de tèxtes de l'autor.

Programa

Mar
04

Margalida Rambeau-Arnautou

Lo 26 de heurèr, Margalida Rambeau-Arnautou que’s morí, qu’anava suus 85 ans. 

Qu’estó capdau de l’Escòla Gaston Febus. Que portava lo gascon e que s’i hasèva entà alandar las pòrtas, partatjar, escambiar, amassar.

Que poderetz legir un omenatge a aquera dauna suu Reclams que vien, lo numèro 849.

Gen
25

Viral dens la revista n°848

Viral qu’ei lo libe darrèr de Sèrgi Javaloyès. Escriut en francés, que conta l’istòria de Danièl, vengut a l’espitau e confrontat a l’urgéncia de víver. Au briu de la malaudia, que’s bremba de la soa joenessa coma estudiant a Pau dens las annadas 70, de la violéncia de las accions bascas, de las prumèras experiéncias amorosas… Dens aqueth libe, que i a quaucom de personau, de viscut qui parla tot dret au legidor.

Dens lo numèro 848 de Reclams, que troberatz las prumèras paginas deu libe Viral, arreviradas per l’autor, libe aperat en gascon La frinèsta.

Gen
13

Top 1 de las ventas 2018: Roncesvals

Roncesvals qu’ei un poèma epic qui conta la batalha de Roncesvals (15 d’aost de 778). Aquesta qu’ei hòrt coneishuda mercés a la Chanson de Roland, long poèma anglo-normand datat deu sègle XIau. Mes l’istòria de Manciet qu’ei desparièr.

Lo poèma ancian que parla de la trasida de Ganelon, l’ataca deus Sarrasins, la venjança de Carlesmanhe e la condamnacion deu trasidor. Que sabem qu’aquèra version n’ei pas istorica. Manciet que presenta las hèitas vertadèras quan los Vascons atacan de suscòp l’arrèrguarda de l’armada francesa, comandada peu comte Rotland. Lo generau Lop que conduseish l’armada deus Vascons, compausada de Bascos e de Gascons.

L’estile de Manciet que balha tota la sua fòrça dens aquera epopèa. E que tocam lo ligam de l’autor dab lo país, dab la fiertat de la lenga. De mei, lo lirisme de Manciet que’s exprim dab beutat quan hè parlar la lua o las pèiras.

Los legidors qu'ac an comprés. Qu'ei ua òbra de referéncia, establida per Estela Comellas. Navèra edicion 2017. Trilingüe (occitan gascon – basco – francés). Se la voletz legir...

Gen
01

Bona annada amics legidors

80 ans a, qu’eram en 1939. Ua atmosfèra qui mesclava los cambiaments sociaus deu front popular, arribat en 36, e las tensions d’avant-guèrra. Quaucom que podem enténer en aqueth poema, Bona annada, tirat de l’Armanac de la Gascougno, 1939.

Connexion



-v2-