mod accueil1 2-oc
mod accueil2 2-oc
mod accueil3 2

Las edicions Reclams que perpausan ua revista literària gascona, la mei anciana deus país d'Òc qui existeish enqüèra, e tanben libes en gascon o bilingües, en format papèr o Epub.

L’associacion Escòla Gaston Febus, reconeishuda d’utilitat publica, creada en 1896 per escrivans deus quaus Miquèu de Camelat e Simin Palay.

Set
09

Deishem la paraula a las hemnas

Paraulas de Hemnas coberta

Las hemnas que son raras dens la literatura d’òc desempuish l’epòca barroca. Totun, la lor preséncia que creish a la mieitat deu sègle XIXau. Uei, que s’exprimishen e que representan un tèrç de la produccion literària.

I a ua poesia femenina ? Qu’ei la question que mos avem pausat. Qu’avem vist un espiar, ua sensibilitat, ua inclinacion tau hons, tà la relacion a l’aute coma au mainat, au pair, a l’aimat, un pensar sus la hemna tanben. L'expression que pòt estar doça, trufandèra o violenta.

Lo libe, Paraulas de Hemnas, coordinat per ua joena poetessa, Paulina Kamakine, que presenta 36 autoras de totas las regions de lenga d'òc : Adriana ABELLO, Lucia ABELLO, Soreta ALLARD, Lou Petìt Ausèth, Marilena BELTRAMO, Silvia BERGER, Magalí BIZOT DARGENT, Benedicta BONNET, Nadina BORGÉS, Terèsa CANET, Estello CECCARINI, Cecila CHAPDUELH, Amy CROS, Danièla DAO ORMENA, Domenja DECAMPS, Francesca DUDÒNHON, Tòni ESCALA, Danièla ESTÈBE HOURSIANGOU, Mayo FEUGAS, Genevièva GALLEGO, Tizian  GALLIAN, Josí GUILHÒT, Caterina GIUSIANO, Lisa GRÒS, Nicòla LAPORTE, Aurelià LASSACA, Sara LAURENÇ ZURAWCZAK, Emiliana LAVIGNE, Olga MARTINO, Marineta MAZOYER, Brigita MIREMONT ORAZIO, Tresià PAMBRUN, Tiziana RAINA, Caterina RAMONDA, Liliana ZAND, ZINE.

Paulina qu’a pres lo temps de las conéisher, d’identificar un element hòrt qui caracteriza cadua, de causir quauques poèmas de cadua. 

Peu prumèr còp, que balhan la paraula a autoras contemporanèas amassadas en un sol libe. Qu’esperam que vos harà gai de descobrir tot aqueth riquèr. E n’ei pas acabat, pr’amor un tòme 2 que presentarà un trentenat d’autas autoras...

Clicatz ací : Bona lectura a totas e a tots.

 

Connexion



Newsletter

captcha

Las darrèras criticas

Isabèu de la Valea

E voletz jogar dambe la lenga occitana ? Alavetz Isabèu de la Valea que'vs deveré agradar. L'autor, Eric Gonzalès, que'vs mia en condes de tota traca. Quauques tèxtes son bracs, autes que son mei longs. Quauques uns son realistas, autes que son fantastics. E, de novèla en novèla, que caminaratz de la narracion tradicionau de cap a la fantasia.

Lo seriós, lo plasent, lo grèu, lo leugèr, l'estranh, que i a tot aquò en aqueras novèlas. Jo e Arnauda que conta ua bèra istoèra d'amor carat, Cent-dètz ans la fin d'un òme de d'autes còps, d'ua auta lenga, L'agraula qu'arrevita dambe las malediccions ancianas, e La con.hession d'un ex-viatjador espaciotemporau que parla d'un amor ... espaciotemporau ! Etc. Etc.

Entà descobrir un pauc mei, que podetz legir l'article La nouvelle un genre qui sied aux Gascons.

O que podetz crompar lo libe. Plàser assegurat !

Viral

Daniel que’s desvelha a 4ò25 deu maitin dens ua cramba d’espitau. Viral, lo libe escriut en francés per Sèrgi Javaloyès, que relata dus meses passats dens aqueth lòc claus, dab murs blus e ua finèstra. A còps que passa ua hoa. L’idée de la mort le côtoyait à chaque instant. Il se sentait cerné. Il n’avait comme seule échappatoire que la fenêtre et le paysage qui s’offrait à lui. Totun, n’es pas tot a fèit com aquò. Daniel que’s bremba tanben deu temps passat, de hèitas, d’amors. E qu’ac escriu tot sus un quasern.

Viral qu’ei un roman intime, hons, intense. La malaudia qu’ei presenta, coma un contèxte, un quaucom qui constrénh, e tanben un quaucom qui permet de tornar véser o enténer amics d’avant, un quaucom qui permet de brembà’s. E l’amor de Sandra, la hemna, qu’ei lo ligam hòrt, potent, a la vita.

De cap a la lentor deus jorns d’espitau, lo ritme deu libe ei viu, briu poderén díser. Un roman deus màgers.

Anna Karenina

Ne cau pas presentar Anna Karenina, lo cap d'òbra de Leòn Tolstoï pareishut en 1877. L'autor qu'i opausa dus cobles, l'un copable e ahuecat, l'aute calme e aunèst.

Totun, legir aqueste libe en lenga d'òc, e mèma en gascon aranés, aquò qu'es mes originau. Qu'ei çò que perpausa l'Institut d'Estudis Aranesi en tot botar en linha l'òbra arrevirada per Antòni Noguès suu son site.

Bèth peu de sau

Lo comissari Magret que torna dab un tresau volume: Bèth peu de sau. Aqueste roman-policièr, hòrt contemporanèu, que confirma l'engenh de contaire de Joan Loís Lavit. Que trobaratz robòts, blògs, psis... Dab un esperit trufandèr, coma los autes libes de Magret, Zocalfar e Lo tin tin d'Ergé, aquesta òbra que'vs amusarà a còp segur.

Bèth peu de sau, Joan Loís Lavit, 2018, Letras d'òc.

Los autors

Previous Suivant
Eric-Astié

Eric Astié

Claude-Barlangue

Claude Barlangue

Pèire-Bec

Pèire Bèc

dominique-bidot-germa

D. Bidot-Germa

jean-pierre-birabent

J.-P. Birabent

Eric-Rey-Bèthvéder

Eric Rey-Bèthvéder

Joan-Frederic-Brun

Joan Frederic Brun

Miqueu-de-Camelat

Miqueu de Camelat

Felix-Marcel-Castan

Felix-Marcel Castan

jean-paul-duchon

J.-P. Duchon

spotlight

Eric Gonzales

Seguit edicions e revista - Comitat de redaccion - Director adjunt
MichelGrosclaude

M. Grosclaude

spotlight

Sergi Javaloyes

Seguit edicions e revista - Comitat de redaccion - Director de la revista
Robèrt-Lafont

Robèrt Lafont

Joan-Lois-Lavit

Jan Loís Lavit

J.-Salles-Loustau

J. Salles-Loustau

Bernat-Manciet

Bernat Manciet

Simin-Palay

Simin Palay

Albert-Peyroutet

Albert Peyroutet

Nicolau-Rei-Bethveder-

Nicolau Rei-Bèthvéder

Didier-Tousis

Didier Tousis

Libe a l’escadut

hikashop_previous_button_hikashop_category_information_module_65hikashop_next_button_hikashop_category_information_module_65
-v2-